|
| 今日係年初7,人日,人人生日~~~
祝大家年年有今日~~
過左3個月了......佢仍然冇搵過我....我搵佢都唔覆......
唉......只不過真係想見下佢......估唔到幾難lo........
其實我真係冇咩點嬲或憎佢......因為嬲或憎一個人係好辛苦
辛苦在要成日記住果個人點對你唔好.......等等之類咁啦~
同埋鐘意一個應該唔會鐘意自己既人都係好辛苦= =(好似我咁)
因為鐘意一個人,我諗我會無時無刻想見佢,聽到佢把聲咁啦~~
但係事實係冇你想像中咁好咁完美......
有d受夠屋企人啦!!!!!尤其我呀媽.......
成日都為少少事而搵野黎嘈......
例如:講句野唔岩佢聽,即刻發脾氣,做d野唔順佢眼,即刻鬧人= =
真係唔知點同佢相處.....
如果我有錢可以搬出去住你話幾好呢~
因為有自由~有人管~
同埋月薪最少有10k先好諗lo~
最好就係好似"六樓x座"果d咁~一大班fd一齊住~
人多熱鬧好照應~不過我諗身邊既朋友唔會咁lo~
| | |
| 話咁快就新年了~新一年希望事事順利~~
今年去行左好耐冇行既年宵~
真係好耐冇行過~同"佢"完左之後幾年都一直冇行過.....
因為冇人約同埋比人放飛機= =
講開去行年宵(其實係擺檔),係果一年行完之後都9成有拖拍~
展翅果年果次就識到"佢".....
做YA果次就識到"佢"之後果個.....
唔通呢d就係傳說中既桃花運???
記得以前係年宵擺檔.........(即係果2年)
果時真係幾熱鬧~~同埋100%有$賺~~
不過近幾年冇搞手搞呢d~賺唔到呢d $ lu
有人話........同"佢"一齊果時.....
咩節日都冇陪"佢".......只係陪左"佢"情人節= =
唉.........有時我真係咁諗........
係咪我咩都冇陪佢......比唔到"佢"安全感呢?
咁事實上我真比佢搵唔到我~我成個人好似失蹤咁~~
好似YA果時年宵擺檔咁......
12月開始已經要成日返大陸入貨= =(雖然果時同緊"佢"一齊)所以冇話"佢"知.....
如果話"佢'知,好有可能傳入某個人知.......
而呢個人,佢好Q麻煩= =
記得做YA果時有人做"秘撈",最後係比果個人爆出去而被炒= =
所以果時我諗一定唔可以比果個人知......
不過做"秘撈"果2個人係白痴既~邊有人返工時間去"秘撈"ga~咁就抵炒啦~
雖然我只係用空閒時候做"秘撈"~不過都係唔比人知好~~
其實我諗住,做完YA時,睇下有冇可能同"佢"去旅行~
我諗拎住5~6K,2個人都可以去台灣玩下既~~(做年宵擺檔賺左2~3K)
不過可惜,竟然捱唔到做完YA.......
好似連白色情人節都過唔到= =
如果可以既話,我真係想補償我錯過既過失......
不過我諗已經冇機會啦............
| | |
| 近排又再掛住佢了.......唉......睇黎要忘記一個人,真係唔容易.......
不過其實我都冇諗過同返佢一齊(不過可能既就梗係最好啦~haha)
我只不過係想見多佢幾面姐........但係都好似幾難......
不過做唔做到係個問題lo~仲有既就係時間......
希望有一日真係可以啦~
講起時間........同佢分開左有冇5年呢?
如果呢5年我地仲一齊........可能就結婚都唔定啦~哈哈~~
再講起結婚~08年都有好多朋友結婚.......
一個舊同事,二個朋友,一個表哥,一個表姐,最後加埋我呀哥~~
都算叫幾多人下~~唔知幾時到我呢~~~
趁09年岩岩黎~又係時候定下目標先~
第一個就緊係要有返個女朋友啦~~起碼出去玩都有個伴~~
第二個就係儲錢~目標儲到15皮~唔知得唔得呢~?不過都可能得既~
因為家陣都有10皮~即係儲多5皮幾~如無意外應該得~~~
第三個就係去旅行~~因為之前信錯左個FD,攞左假佢先話唔去得.....好彩未報團姐~
咁地點就緊係岩後生仔玩既地方啦~我諗唔係日本就係台灣~~
第四個就係去讀書~~有時係度諗.....自己真係冇咩學歷.......萬一唔好彩又比人裁......
再出去搵份工都好似幾難.......再加上自己係咩人.......咁就更難啦......
可惜既係.....冇時間!!!!!同埋知自己唔係讀書既料= =呢個問題真係要諗諗...不過要快~
聽人講過....男人最緊要有4仔~~不過唔係AV果d 4仔~
而係------車仔~樓仔~女仔~同錢仔~~
車----對我黎講係冇用......因為我根本冇諗去考車牌~
同埋自己係咩人.......萬一有咩意外就真係死得人多......
樓----每個人都應該有自己既物業啦~不論男女都係~
但問題係自己有冇能力囉~冇能力就咩都唔駛諗~~~~
女----呢樣野真係要隨緣......有緣就自然有~冇緣就........
咁我同佢都算叫有緣......可惜冇份呢..........
錢----每個人都應該有既既~係睇你多唔多囉~~
我咁既年紀,咁既工作年資.....儲到咁既錢,我諗應該ok掛~~
咁我而家有幾多個4仔呢??可能冇都唔定~~哈哈~~
| | |
| 鄭洛雯......呢個人呢個名........已經從我個心開始消失......
我諗對佢已經死心......可能啦.......
因為佢又再扼我......又再hurt我......
咁都好~因為我個心又可以擺多一個對象~
已經一個月,佢都冇搵過我.....sms電話亦都冇覆我.....
雖然話佢扼我,氹我買野比佢唔係咩問題......
$對我黎講,駛得黎有效用我會駛~
講真,如果仲搵到佢,我諗到聖誕會再送野比佢lo~
不過佢要咁做就冇計~
完全搵唔到佢,我諗係一個好大既問題.....
之前佢話唔會咁做.....但係依家佢係點......我心裡有數......
咩叫口頭承諾,我諗佢唔知lo~
我諗應左有句野"只要女人想扼就冇扼唔到既男人"= =
睇黎我太高估自己既能力.......太低估一個女人既心理.....太低估一個TB既心理.......
唔知係咪佢之前個BF鐘意左另一個人而同佢散,佢先鐘意女人......
(不過佢個男朋友係女人都唔知有冇扼我,可能扼我都唔定)
我真係鬼唔望佢個TB突然鐘意返男人~HAHA~
到時連女人都唔鐘意佢就抵死lo~
我諗佢話咩當我半個男朋友咩親密朋友,完全係假lo~
氹我買野係佢既目的~可能佢男朋友買唔起比佢,所以佢要扼我買野比佢.....
定係佢發錢寒......因為我完全冇見過佢所講既禮物lo......
唉........一時衰心軟........如果我個心硬d,堅持多1~2日咁就好.........
但我竟然比同一個女人同一個大話扼左2次.....
係我太天真定係傻??
可能下次佢真係有事要我幫手,我都唔一定會幫佢....
算啦............錢財身外物........冇左可以搵返黎........
但係感情既野,冇左就冇左......
我覺得可惜既係.......佢未做野已經咁大駛,扼人氹人買野比佢
到佢出黎做野果時,可能唔駛靠人買野咁lo........
到時我諗佢會幾巴閉下......
| | |
| 上個星期終於約到佢出黎~~yeah~~同佢食飯睇戲~~
咁多年,佢都冇咩點變,好似仲靚左~淨係瘦左少少~~同埋d手指瘦左好多~~
我諗唯一變左既係佢係"男朋友"......係女仔黎= =(呢樣野我之後先知)
同佢食完飯行一陣先睇戲.......點知比d同事撞到正= =第日返工比人講......
其實仲對佢有d feel.....不過我諗佢對我冇feel lo= =
不過佢可能已經唔岩我,因為我唔係幾鐘意人食煙.......由其我在乎既人~
雖然我都食,但其實我想食雪茄~~不過好貴= =
佢都幾大煙癮下,行左1hr已經食左4~5支,我只不過係1~2支......
睇完戲之後諗住送佢返屋企,但係佢唔比........
星期6去左珠海澳門玩~公司贊助~每人250~
其實去唔去都得~不過好似好多人都會去......
但係唔去就要返工= =咁就梗係去la~~
先去珠海後去澳門......好似調轉左咁~
人地跟團果d好似係先去澳門後去珠海 wo~
不過都算~有得玩就得~~~
但係星期6果日我要返工.......做到一般累先去旅行.....
好似冇咩心情去玩.......
其實我係志在入賭場贏返兩手~
不過最後都係輸~~
去完澳門返黎之後幾日都有同佢sms~~~
我諗今個月既電話費都幾甘......
果然~電話費勁升3倍~~
短短幾日sms已經3倍~咁成個月都可能有10倍都唔定.......help.......
之後佢話佢就生日,叫我送野比佢.....
我點知佢會唔會好似上次咁,送左野比佢之後就搵佢唔到,失蹤了= =
今日又搵左佢出黎~比d手信佢......
點知見到佢黑口黑面,有d唔happy咁......
問佢咩事佢話冇野.......佢又唔出聲........
去左食糖水之後佢話接"男朋友"放工........
shit= =心酸死我......之後一個人由mk行返home........
睇黎我同佢應該冇可能再一齊返la~
| | |
|
